МЕКТЕП ФОРМАСЫН БЕКІТУ ТУРАЛЫ БҰЙРЫҚ
№5 гимназияда 1–11 сынып оқушылары үшін мектеп формасына бірыңғай талаптар белгіленген. Форманың негізгі түсі — көк (қою көк). Мектеп формасы классикалық стильге сәйкес келіп, бірыңғай түстік гаммада болуы тиіс. Белгіленген талаптарға сәйкес үш түстен артық түсті үйлестіруге жол берілмейді.
Оқушылар үшін мектеп киімінің негізгі элементтері қарастырылған: пиджак немесе жилет, ақ жейде немесе блузка, шалбар немесе белдемше, джемпер немесе кардиган. Мектеп формасы күнделікті, салтанатты және спорттық болып бөлінеді. Спорттық форма тек дене шынықтыру сабақтарында киіледі. Ашық, көзге түсетін аксессуарлар мен әшекейлерге жол берілмейді. Оқушылардың сыртқы келбеті мектеп мәдениетінің талаптарына сәйкес болуы тиіс.
Ата-аналар және өзге де заңды өкілдер білім беру ұйымының жарғысында белгіленген қағидаларды сақтауға, міндетті мектеп формасына қойылатын талаптарды орындауға және баланың сабаққа қатысуын қамтамасыз етуге міндетті. Оқушылар өз кезегінде білім беру ұйымы белгілеген мектеп формасына қойылатын талаптарды сақтауы тиіс.
Мектеп формасына қойылатын талаптар мен ата-аналар және оқушылардың міндеттері гимназия Жарғысында, білім беру қызметтерін көрсету туралы шартта және Ішкі тәртіп қағидаларында да бекітіледі. Мектеп формасына әртүрлі діни конфессияларға тән киім элементтерін енгізуге жол берілмейді.
docx, 19 КБ
