Қазақстан Республикасының мемлекеттік рәміздері — Ту, Елтаңба және Әнұран.
Олар ел тәуелсіздігінің, халық бірлігінің, тарихқа құрмет пен Отанға деген
сүйіспеншіліктің маңызды белгілері болып табылады.
Қазақстан Республикасының Туы
Қазақстан Республикасының Туы — көгілдір түсті тікбұрышты мата. Тудың ортасында күн, оның астында қалықтаған қыран бейнеленген, ал сабының тұсында ұлттық өрнек орналасқан.
Көгілдір түс бейбітшілікті, береке мен Қазақстан халқының бірлігін білдіреді. Күн — өмір мен қуаттың, қыран — еркіндік пен болашаққа ұмтылыстың символы, ал ұлттық өрнек еліміздің мәдени мұрасын көрсетеді.
Қазақстан Республикасының Елтаңбасы
Қазақстан Республикасының Елтаңбасы дөңгелек пішінді. Оның негізінде шаңырақ бейнеленген. Шаңырақ — ортақ үйдің, бейбітшіліктің, келісім мен Қазақстан халқы бірлігінің символы.
Қанатты тұлпарлар күш-қуатты, адалдықты және дамуға ұмтылысты білдіреді. Елтаңбаның жоғарғы бөлігіндегі жұлдыз еліміздің биік мақсаттары мен жарқын болашағын бейнелейді.
Қазақстан Республикасының Әнұраны
Қазақстан Республикасының Әнұраны — патриотизмді, Отанға деген сүйіспеншілікті және өз еліне деген мақтанышты білдіретін салтанатты музыкалық шығарма.
Алтын күн аспаны,
Алтын дән даласы,
Ерліктің дастаны,
Еліме қарашы!
Ежелден ер деген,
Даңқымыз шықты ғой.
Намысын бермеген,
Қазағым мықты ғой!
Қайырмасы:
Менің елім, менің елім,
Гүлің болып егілемін,
Жырың болып төгілемін, елім!
Туған жерім менің – Қазақстаным!
Ұрпаққа жол ашқан,
Кең байтақ жерім бар.
Бірлігі жарасқан,
Тәуелсіз елім бар.
Қарсы алған уақытты,
Мәңгілік досындай,
Біздің ел бақытты,
Біздің ел осындай!
Қайырмасы:
Менің елім, менің елім,
Гүлің болып егілемін,
Жырың болып төгілемін, елім!
Туған жерім менің – Қазақстаным!
pdf, 86 КБ
