Астана қаласының «Әдістемелік орталығы» МКҚК 2024 жылдың 14 ақпан күні оқушылардың функционалдық сауаттылығын дамыту үшін мұғалімдердің теориялық және практикалық құзыреттілігін арттыру, LS  сабақтары  аясында  мәнмәтіндік тапсырмаларды шешу мақсатында №5 гимназиясында «Сабақтарда оқушылардың функционалдық сауаттылығын дамыту» аймақтық семинары ұйымдастырылды.

Кылышбаева Кульзипа Ауесовна, №5 гимназияның оқу ісі жөніндегі директордың орынбасары, «Сабақтарда оқушылардың функционалдық сауаттылығын дамыту» аймақтық семинардың мақсатымен таныстырып, тәжірибесімен бөлісетін  педагогтердің еңбектері туралы айтып өтті.

Аталған іс-шараға орта білім беру ұйымының барлық пән мұғалімдері  қатысты.

Семинар барысында  Тусупбекова Аяжан Саттарқызы, педагог-зерттеуші, Ақмола облысы, Қосшы қаласы, IT мектеп-лицейінің қазақ тілі мен әдебиеті пәні мұғалімі, «Дыбыс, бейне материалдары арқылы оқушылардың функционалдық сауаттылығын арттыру», Дроздова Ольга Евгеньевна, педагогика ғылымының докторы, білім берудегі пән аралық университетінің орыс тілін оқыту әдістемесі кафедрасының доценті, орыс тілі мен әдебиеті мұғалімдерінің Ресей қоғамы басқармасының мүшесі,  «Метапредметный подход к обучению русскому языку и формирование функциональной грамотности школьников», Л.Н. Гумилев атындағы Еуразия ұлттық университетінің шет тілдер кафедрасының аға оқытушысы Алмахова Гүлзат Олжабайқызы «Использование контекстных заданий для развития навыков говорения и аудирования» атты тақырыпта іс-тәжірибиелерімен таныстырып, коучинг өткізді.

№ 5 гимназияда  Lesson Study II кезені сабақты  зерттеу тәжірбиесі  өзінің жалғасын табуда. Бүгін құрылған жоспар бойынша, барлық пәндерден Lesson Study-дің кезекті сабағы өтті. Пән мұғалімдері сабақтарын жоғары деңгейде өткізді. Бақылаушылар тарапынан  бақыланып отырған А.Б.С. тобындағы оқушыларға бақылау парағы толтырылып, сабақтың рефлексивті есебі берілді. Сабақ  соңында сарапшы және бақылаушы мұғалімдер мен пән мұғалімдерінің пікірлері тыңдалып, талдау жұмыстары жасалды. №5 гимназия мұғалімдері 22  ашық сабақ беріп, іс-тәжірбиелерімен бөлісті.